തമിഴ്നാട്ടില്‍ പ്രേമം റീ-റിലീസിന്; ജോര്‍ജും മലരും തമിഴ്നാട്ടില്‍ വീണ്ടും എത്തും

Read Time:1 Minute, 26 Second

ചെന്നൈ: നിവിന്‍ പോളിയും സായ് പല്ലവിയും ഒരുമിച്ച പ്രേമം ബോക്സോഫീസില്‍ മികച്ച വിജയം നേടിയിരുന്നു.

മലയാളികളും തമിഴരും ഒരുപോലെ കൊണ്ടാടിയ ചിത്രമായിരുന്നു പ്രേമം.

ഇപ്പോഴിതാ തമിഴ്നാട്ടില്‍ ചിത്രം റീ-റിലീസിനൊരുങ്ങുകയാണ്.

വാലൻ്റൈൻസ് ഡേയ്ക്കാണ് ഈ റൊമാൻ്റിക് ഡ്രാമ തിയറ്ററുകളിൽ വീണ്ടുമെത്തുന്നത്.

2016 ലും 2017 ലും ചിത്രം തമിഴ്നാട്ടില്‍ റീ-റിലീസ് ചെയ്തിരുന്നു.

എന്നാല്‍ ചിത്രത്തിന്‍റെ അണിയറപ്രവര്‍ത്തകര്‍ ഇതേക്കുറിച്ച് പ്രതികരിച്ചിട്ടില്ല. 200 ദിവസങ്ങളിലേറെ ചെന്നൈയിലെ ഒരു തിയറ്ററിൽ ചിത്രം പ്രദർശിപ്പിച്ചിരുന്നു.

കൂടാതെ ചിത്രം ഒരിക്കലും തമിഴിൽ റീമേക്ക് ചെയ്യരുതെന്നും യഥാർത്ഥ പതിപ്പിനെ തങ്ങൾ അത്രമാത്രം സ്നേഹിക്കുന്നു എന്നും തമിഴ്‌നാട്ടിലെ ആരാധകർ പറഞ്ഞിരുന്നു.

2015 മേയ് 29ന് പ്രേമം തിയറ്ററുകളിലെത്തിയപ്പോള്‍ ആഘോഷത്തോടെയാണ് ചിത്രത്തെ മലയാളം ഏറ്റെടുത്തത്.